நீர்

முக்கால் பாகம் முன் நின்றும்..
முழுதாய் ஆளும் முதன்மை நீ!!
உக்கிர வெப்பம் தணிப்பதோடு..
உழவுக்குதவும் உவகை நீ!!

சுத்தத்தின் சூத்திரம் நீ இன்று..
சுமையுந்தில் சுற்றுகின்றாய்!!
எத்துணை தவிப்பு தந்தும்!!
எம் தாகம் தீர்க்கின்றாய்!!

குளமிருந்து குடம் சுமந்து..
கொணர்ந்திட்ட காலம்போக..
வளமிழந்து வகை மறந்தாய்!!
வீண் விலைப் பொருளாகிட்டாய்!!

தாய் போல நீ தயை செய்கிறாய்!!
உயிராதாரமாய் உலகாள்கிறாய்!!
காலை வணக்கம்!